ضيوفك بتوصلهم الدعوة على واتساب، بيردّوا بكبسة، وإنت بتعرف مين جاي وكم شخص. ويوم المناسبة كل ضيف بيدخل برمزه.
ألوان وخطوط وزخارف مرسومة لكل تصميم. اختار واحد، وغيّره متى ما بدك بدون ما تعيد كتابة إشي.
بنفتحلك عرساً تجريبياً حقيقياً لمدة 3 ساعات: دعوة الضيف، لوحة صاحب المناسبة، والباب، وكلها شغّالة مع بعض. ابعت الدعوة لجوالك، رد عليها، وشوف الرقم يتغيّر قدامك.
الظرف باسمه، الدعوة، والرد بعدد الأشخاص، وبطاقة الدخول.
الضيوف، الإرسال من واتسابك، الردود والتهاني لحظة بلحظة.
رمز كل ضيف بينمسح من أي جوال، وبتعرف مين وصل وكم ضل.
بدون كروت بتنرمى، وبدون مكالمات وملاحقة، وبدون «إن شاء الله» اللي ما بتعطيك عدد.
اختار المناسبة والتصميم، واكتب التفاصيل وإنت شايف الدعوة قدامك.
الأسماء والأرقام وعدد مقاعد كل عائلة، أو الصقها من Excel، وابعت لكل واحد دعوته بكبسة من واتسابك.
حاضر أو بيعتذر، وكم شخص بالضبط. والأرقام عندك لحظة بلحظة.
على الباب بيتمسح رمز كل ضيف من أي جوال، وبتعرف مين وصل.
تفاصيل صغيرة بتفرق يوم الحفلة.
«خصّصنا لكم 4 مقاعد»، والضيف بيختار كم شخص جاي. هيك العدد دقيق للضيافة.
كل دعوة إلها قاعتها، وكل باب بيعدّ داخليه لحاله.
قائمة جاهزة باللي ما ردّوا، وتذكير لطيف بكبسة لكل واحد.
الضيوف بيكتبوا تهانيهم مع الرد، وبتوصلك كلها بمكان واحد.
الخريطة بكبسة، والموعد بينضاف لتقويم جوال الضيف، مع عدّاد للأيام.
الدعوة بالعربي، وبزر واحد بالإنجليزي للضيوف اللي بيحتاجوها.
لحد 4 صور بتظهر بمعرض صغير، والضيف بيكبّرها بلمسة.
إذا بدك، كل رابط بيفتح على أول جوال بس، فما بينتقل لحدا مش معزوم.
قسم للهدايا مع رقم حساب أو CliQ بينسخ بكبسة، وزر واتساب للأسئلة.
الدعوة الإلكترونية العادية بتوصّل التفاصيل. حاضر بيوصّلك عدد مؤكَّد وباب مرتّب.
| كرت ورقي | دعوة إلكترونية عادية | حاضر | |
|---|---|---|---|
| باسم كل ضيف | بخط اليد | رابط واحد للكل | ✓ |
| عدد مؤكَّد مع عدد الأشخاص | — | حاضر أو لا | ✓ |
| تذكير لمن ما رد | مكالمات | — | ✓ |
| قاعة نساء وقاعة رجال | — | — | ✓ |
| دخول برمز QR وعدّاد للباب | — | — | ✓ |
| تعديل الموعد أو القاعة بعد الإرسال | طباعة جديدة | أحياناً | ✓ |
| تجربة كاملة قبل ما تطلب | — | — | ✓ |
لا. الدعوة رابط بيفتح على أي جوال أو كمبيوتر.
من واتسابك إنت. اللوحة بتجهّزلك كل رسالة باسم الضيف ورابطه، وإنت بتكبس إرسال. هيك الدعوة بتوصل من رقم بيعرفه.
أكيد. الموعد والقاعة والتصميم وكل التفاصيل بتتعدّل من اللوحة، وكل الضيوف بيشوفوا التعديل على نفس الرابط.
بيرجع لنفس الرابط وبيعدّل ردّه لحد آخر موعد للرد، والعدد عندك بيتعدّل لحاله.
اللي على الباب بيفتح رابط الماسح على جواله برمز خاص، وبيمسح رمز كل ضيف. بيشوف الاسم وعدد المؤكَّدين، وإذا الرمز انمسح قبل بيظهرله تنبيه.
أعراس، وخطوبات، وليالي حنّاء، وأعياد ميلاد، وحفلات تخرّج، وفعاليات شركات.
صمّم دعوتك بأربع خطوات وشوفها قبل ما تطلبها، أو راسلنا وبنساعدك.